mamado
من اسره مترو
الجنس : 
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
 | موضوع: رساله مواطن صعيدي مغترب الى امه  السبت يناير 22, 2011 4:17 am | |
| رساله مواطن صعيدي مغترب الى امه
ابدأ جوابى بأسم
رب الناس والبريه
وأتنى بالنبى العدنان
صاحب السيره النديه
أماى جلبى مشتاجلك
شوج النيل للميه
عما أكتبلك الجواب
وصورتك جدام عنيه
أبص فيها وأجبلها
ليل ومسا وصبحيه
وبجبل رجليكى اللى
الجنه تحتهم مطويه
دنتى ياماى من
ربى الكريم هديه
وبعد السؤال عن
صحتك الغاليه عليه
أطمنك أنا بخير
مبسوط والعافيه جويه
ربنا بيكرمنى بدعاكى
ياننى العين ياغاليه
شغال ليل نهار
كيف النحله بخليه
والكفيل راجل طيب
مالهوش فى الأذيه
وكل اللى بجبضه
ياماى من المهيه
بجسمه تلات إكوام
جسمه عدل سويه
كوم برسله ليكم
لأجل مصروف الشهريه
وكوم صغير ليه
للزاد ومصروف اديه
والباجى بحوشه لأجل
أحججلك ياماى الأمنيه
ومرسل ليكى خمسميت جنيه
مع سادج ود روحيه
سددى جسط الجيراط
المرهون ببنك الجريه
وسلميلى ياحبيبتى على
خوى الحبيب عطيه
وجوليله يشد حيله
علشان يخلص الكليه
و اللى يعوزه ياخده
وكمان أكتر شويه
وسلامى الكبير جوى
لأختى الحبوبه سعديه
وبشريها أشتريتلها خلجات
ألوانها زاهيه وبهيه
وجولى لخوى حمدى
يفك أحزانه شويه
ضهرى فى ضهره
طول ماجتتى حيه
كلويه اللى تلفها
الكيماوى ووسخ الميه
وجلت العلاج والفجر
ونجص العنايه الصحيه
حتتعالج بأسم الجليل
الواحد رب الرعيه
خليه ياماى يجهز
بسرعه تحاليل طبيه
ويبعتها بسرعه بالبريد
الليله جبل الصبحيه
علشان لوطبجت تحاليلى
حديه كلوه من كلاويه
لاجل يعيش ويسعد
وتعود حياته طبيعيه
وبا الله عليكى ياماى
ولاليكى حلفان عليه
سلميلى على أحبابى
أهل نجع الحوامديه
ووزعى عليهم خمسين جنيه
وجوللهم منى هديه
وإنى مش ناسيهم
دول الصحبه الهنيه
وماتنسيش تجريلى كل
يوم سوره الصمديه
أدعيلى محتاج دعاكى
الطاهر لرب البريه
يطول فى عمرى
ويدينى الجدره العفيه
لحد ماحجج حلمك
وتشوفى الكعبه البهيه
وتزورى سيدنا النبى
صاحب المجامات العلويه
وأستر وأسعد أخواتى
وأخلى حياتهم هنيه
وإكده يهدى بالى
وتكون نفسى مرضيه
وبعد إكده ولايهمنى
اللى حيحصل فيه
ربنا عاد مايحرمنى
منك ياطيبه يازكيه
أستودعتك الكريم الحافظ
صاحب العطايا البهيه
وإلى جواب تانى
إن كان با لعمر بجيه
ولدك المشتاج جوى
أشرف جلال أبو طجيه | |
|
مصطفى درش
راكب درجه ثانيه
الجنس :
عدد المساهمات : 461
نقاط : 944
تاريخ التسجيل : 26/09/2009
| | موضوع: رد: رساله مواطن صعيدي مغترب الى امه السبت يناير 22, 2011 2:58 pm | |
| جولت اجولك كلمتين
حلوه خالص
جول كمان | |
|
ربيع محمد
ناظر محطة الابداع
الجنس :
عدد المساهمات : 5716
نقاط : 8102
تاريخ التسجيل : 17/07/2010
العمر : 65
الموقع : الجيزه- مصر
| | موضوع: رد: رساله مواطن صعيدي مغترب الى امه السبت يناير 22, 2011 4:02 pm | |
| شكرا لك يا ممادو
لكن شامم فيها ريحه الابنودى
تحياتى لك | |
|
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: رساله مواطن صعيدي مغترب الى امه الأحد يناير 23, 2011 1:57 am | |
|
هذه الرسالة من قراءاتى ولااعرف من ارسلها ولكن حبيت اطلعكم عليها
شكرا لمن رد واتمنى التقدم للمنتدى[b]
| |
|
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: رساله مواطن صعيدي مغترب الى امه الأحد يناير 23, 2011 2:46 am | |
|
اخيرا عرفت أن اللى قال الكلام الحلو دا هو
الشاعر أمل دنقل
| |
|
