قولتي خاين قولتي باين اني جبان
كنتي فاكره الحب عندي جوا حضني الحنان
كنتي ماشيه مغمضه واكتشفتي الحقيقه
ان حبي كان قضا وانتي غلبانه وبريئه
نسيه حاجه ماقولتهاش ممكن اخد فرصتي
ممكن اتكلم شويه عن خداعي وكدبتي
خنت قلبك لما سبتك تمشي بعدى في دنيتك
شفت عينك رايحه جايا علي الحياه من خنقتك
والحقيقه مش معايا اي حاجه تسعدك
قولت اسيبك لحد غيري قلبه يقدر يسعدك
وانتي بردوه ما كدبتيش روحتي جري للسعاده
بعتي نفسك للتمن للي جيبه فيه زياده
والجبان قلبي انا لما يوم خفت عليكي
من طقه واحده واوضه فاضيه برد عليكي
من عيشه مره بجد مره وذنبك ايه
الذنب ذنبي مدام فقير احب ليه
قولت انسحب كده من حياتك عشان سعدتك
طلعت خاين وكمان جبان الله يسامحك
وفي النهايه بقولك ايه انا لسه حبك عايش عليه
انا لسه فاكر كل حاجه لو كنت خاين هفتكرك ليه