للبنات فقط
ايوة نفسي اتجوز واحد مجنون ^_^
ايوة مجنوووووووووووووووووووووون
مجنون و يستحمل جناني كمان
يحب المفجأت ^_^
يحب المقالب و الحركات المجنونة دي
يعني مثلا ممكن يخطر فـ بالنا الساعة 2 بليل اننا نروح الملاهي .. الاقيه شبكني فـ ديله كدهون و نزلنا رحنا الملاهي
ممكن فجأة يلاقيني بعيط .. و عايزة اكل شيكولاته ة_ة
(ايون شيكولاته .. ده انا ممكن اقلب الدنيا عشان الشيكولاته )
الاقيه بسرعة مخبي شيكولاتاية فـ جيبه لوقت الزنقة
الاقيه يصحيني الساعة 6 الصبح يقولي قومي ننزل نجري
لما مثلا ناكل مانجا .. لازم نلغمط بعضينا
(ايون نلغمط بعضينا .. وهو للاكل طعم من غير لغمطة)
ولما الدنيا تمطر و الناس كلها تجري تروح بيتها .. انا وهو ننزل نجري فـ المطرة ^_^
لما نيجي ناكل ايس كريم .. اكل ايسكريمته و ياكل ايسكريمتي
ولما نجيب بيبي .. نمسكه سوا نحطله روج و نحوله بلياتشو
و لما اكون فـ المطبخ .. الاقيه بعتلي بنوتتنا تقولي ( بابا بيحبك )
ولما اكون زعلانه .. يقولي نكت كتير لحد ما افطس من الضحك
و اهم حاجة .. لما نخلص فرحنا .. يخدني و نطلع نجرررررررررررررررررررررررررررررررري
نفسي فـ واحد مجنووووووووووووووووووون جنان رسمي نظمي فهمي
يكون شعارنا فـ الدنيا ..
انا و انت و الجنون ثالثنا
