عايزة اشارككم معلومة بسيطة بس ان شاء الله تفيد الامهات خاصة الجديدة
لو ابنك او بنتك عنده دور برد ومناخيره مسدودوه ومش عارف ينام اعملى خطوتين
1- ارفعى راسه يعنى نيميه على مخدتين بحيث تبقى راسه اعلى من جسمه
طيب الفايدة من الخطوة دى ايه ؟؟؟؟ بيساعد ان الافرازات بتاعت الانف تنزل من الانف للزور وانسداد الانف يقل لكن لو نايم من غير مخده هتلاقى
الافرازات بتتجمع فى الانف وبتسد تنفسه ومش عارف ينام
2- فى نقط فى الصيدلية مكتوب عليها " بيبى سلاين " وسلاين دى معناها محلول ملحى وده بيذوب الافرازات اللى فى الانف و تنزل
بسهولة من الانف للزور
طيب دى نحطها ازاى ؟؟؟؟
قبل وضع النقط فى الانف و لو الطفل كبير نطلب منه يتمخط اولا بحيث ينضف انفه من الافرازات الزيادة لكن ده بيكون صعب مع الرضع
فنحاول ننظف الانف الرضيع على قد ما نقدر برفق
ونضع اربع نقط مثلا فى كل قتحة انف وممكن تكرريه كل ساعة طوال اليوم لانه مش دواء ده مجرد محلول ملحى
اوووووووووووووووووعى تتلخبطى وتجيبى نقط الانف للاطفال اللى هى دواء لالالالالالا اتأكدى ان مكتوب عليها " بيبى سلاين "
راس الطفل ترجع الى الوراء بحيث دقنه لفوق خالص وتحطى النقط جوه الانف وتتاكدى انها دخلت
ولو لقيتى الانف مسدودة بحيث النقط بترجع تخرج بره تانى بتمسكى طرفى فتحة الانف الواحدة وتبعديهم عن بعض وتحطى النقط
وتفضلى مباعدة بين طرف فتحة الانف الواحدة لغاية ما تختفى النقط ولو ابنك كبير ويقدر ينفذ طلبك قولى له بعد وضع النقط فاعمل كأنك
بتشم عشان تتشفط النقط لجوه
ده كان خلال فترة النوم بالنسبة للنهار بتبقى السوائل الدافئة مهمة عشان برضه تذيب الافرازات الى بتتجمع فى الانف
وده ااااااااااكيد مع الدواء اللى بياخده الطفل لدور البرد
الكلام ده الدكتور علمهولى وقلت يمكن فتوكة تستفيد و استودعكم
