الرئيسيةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» بروتين برو اكتيف الاصلي لفرد وعلاج الشعر
الثلاثاء أكتوبر 09, 2018 7:35 pm من طرف بينك بينك للعناية بالشعر

» جلسات ترميم مغربية للشعر
الثلاثاء أكتوبر 09, 2018 7:24 pm من طرف بينك بينك للعناية بالشعر

» جلسات مغربية إنبات واطالة الشعر
الثلاثاء أكتوبر 09, 2018 7:21 pm من طرف بينك بينك للعناية بالشعر

»  الكتاب الممنوع هرمجدون آخر بيان يا امة الإسلام - أمين محمد جمال الدين. للقرأْة المباشرة
الثلاثاء سبتمبر 04, 2018 2:24 pm من طرف ولاء0

» الكتاب الممنوع من النشر - دثريني يا خديجة - د. سلوى بالحاج صالح العايب للتحميل المباشر
الثلاثاء يوليو 17, 2018 3:15 pm من طرف مجدى الأمير

» الرزق المدفون
الثلاثاء يوليو 17, 2018 1:15 pm من طرف مجدى الأمير

» اليوم تعود
الثلاثاء يوليو 17, 2018 1:10 pm من طرف مجدى الأمير

» مشاهدة كأس العالم لاصحاب الانترنت الضعيف مجانا
الخميس يونيو 14, 2018 12:27 am من طرف jaber1572

» شامبو طبي معالج للشعر بالجلسرين والاعشاب الطبيعية
الثلاثاء يونيو 12, 2018 8:31 pm من طرف بينك بينك للعناية بالشعر

» حمام كريم ماكس بزبدة الشيا لعلاج الشعر
الثلاثاء يونيو 12, 2018 8:29 pm من طرف بينك بينك للعناية بالشعر

أفضل 10 أعضاء في هذا الأسبوع
body onbeforeprint="onbeforeprint()" onafterprint="onafterprint()"onselectstart="return false" oncontextmenu="return false">

شاطر | 
 

 لسان الحال.. هذه بداية لسلسلة..

اذهب الى الأسفل 
كاتب الموضوعرسالة
احمد ابو سلمان
من اسره مترو
من اسره مترو
avatar

الجنس : ذكر
عدد المساهمات : 1282
نقاط : 1837
تاريخ التسجيل : 21/07/2011
العمر : 56
الموقع : الخرطوم

مُساهمةموضوع: لسان الحال.. هذه بداية لسلسلة..   السبت أكتوبر 27, 2012 10:35 pm

center]color=green]

الغربة وما ادراكم الغربة .. سيف مصلط على جميع الرقاب وشرٌ لا بد منه ،
يعاني منها المغترب بابتعاده عن الاهل سنين وسنين من اجل حياة كريمة له ولاسرته قد يتحقق حلمه وقد يفشل والنهاية سنين تُحتسب من عمره .. ويعاني منها اهل بيته وهو غائب عنهم فالام والاب يشتاقون اليه في كل صباح ويتمنونه بينهم والزوجة تحسب الايام ليعود اليها شريكها يقاسمها حلو الايام ، اما الابناء فهم الحلقة الاضعف في هذه الزاوية لانهم ينشاون في المجتمع والاب غائب لا يسد مكانته الام ولا الجد ولا العم ، الاب هو الذي يزرع في الابناء القيم الفاضلة ويرشدهم الى الطريق الصحيح بتربيتهم تربية قويمة ، إذاً فالكل يعاني من ويلات الغربة والاغتراب ..
قصتنا اليوم قصة من نسج الخيال لكنها مستوحأ من مجموعة قصص واقعية تحدث كل يوم في البيوت السودانية التي تعاني من غربة الزوج ، والقصة بلسان زوجة اغترب زوجها خمسة اعوام وترك لها ذرية يحتاجون الرعاية والتربية في مجتمع اصبح مفتوحاً على مصرعيه للعالم الجديد . ضاقت بالزوجة هموم الدنيا ومعاناتها في تربية الصغار وتملكها الشوق والحنين لرفقة الزوج الغائب فانشدته بلسان حالها تحكي معاناتها في قصة خطاب يعتصر القلب فيه من المعاناءة الكثير وفيه من الشجن المثير وفيه من الادب الرفيع في المخاطبة والإستجداء صورها لنا شاعر فنان ومرهف يمتلك ناصية السرد القصصي باسلوب بسيط ولكنه كبير في مضمونه يخاطب البسطاء بلغة بسيطة توصل الرسالة من القصيدة في قالب شيق وممتع انه الشاعر حاتم حسن الدابي في قصيدة ( لسان الحال ) والتي تغنى بها المرهف جعفر السقيد وقام بتسجيلها في شريط كاسيت حقق اعلى نسبة توزيع في سوق الكاسيت السوداني في فترة وجيزة ولاقى قبول عند الناس وبالاخص اغنية ( لسان الحال ) اليكم النص شعراً ...

لسان الحال
كلمات / حاتم حسن الدابي
غناء / جعفر السقيد

معذرة.. لو معاك منى الكلام حـــــره ..و معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة ..ياريت لاعرفت ولامرق بره

يا ريت..يا ريت ..

الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقى بكـــــــــــــرة أنا السبب.

قصة تحكي عن نفسها ، معاناءة زوجة مغترب تستجديه ان يعود وتذكره بالخطر الذي يُحدق بابنائه وكل ذلك في قمة الادب مع زوجها
كما قالت ( وريتك الحاصل علي لا فيهو ثورة ولا غضب )
ترى كم واحد مناعاني من الغربة وسنينها الطويلة وفكر ملياً ان يعود ادراجه للوطن بعد ان سمع هذه الرسالة الحزينة ؟
اما ان لهذا السرب المهاجر ان يحُط الرحال ويستريح من عناء الإرتحال ...

على فكرة هذه الاغنية لديها رد جميل صوره احد الشعراء لتكملة القصة بان الزوج استلم الرسالة وقراء محتواها فرد على زوجته برسالة .,
[/color][/center]

...

رد الرسالة من الزوج

الاعزاء الكرام ،هذا هو الرد على اغنية لسان الحال التي كان كاتبها الشاعر حاتم حسن الدابي بلسان زوجة رجل مغترب حكت فيها كل الحاصل لها من غربة الزوج ومعاناءتها الكبيرة بعد رحيلو ، الشاعر الردا على الاغنية صور لينا المغترب في القصيدة بانو استلم رسالة زوجتو وقراء المضمون وانتابو احساس بالندم ففكر يرد على زوجتو ويشرح ليهو حالو في الغربة كيف فكان الرد بقصيدة مشابهة للسان الحال بس هنا لسان حال ازوج فكانت حال اللسان رداً على لسان الحال


رد المغتـرب...(حال اللسان)

أنا ما كنت داير الاغتراب
لكني مجبور ابتعدت
حسيت متل غمز الحراب
وفي أنه الصبر النكد
أرجع وأقول إنتي السبب
قلتيها لي ما بترضي بي
عيشة وسط
دايرها فوق عيشة رغد
قاريهو في عيون الصغار
طلباتم الما ليها حد
حسيتو في عيناك سؤال
احترت ما لاقيلو رد
نظراتك الحادة النبال
سيطان بتلهب في الجسد
وانا كنت صابر زي بلال
كان ردي ليها أحد أحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد
ما بنسى يوم ودعتكم
وبي حسرة غادرت البلد
ختيت على جرح الفؤاد
فُرق البيات والولد
ما اعتدت أفارق للصغار
والوجعة فرق الفي المهد
زفر القليب آهات حزان
حسيتبو جواي ارتعدت
كان انتي شوقك لي بحر
كيفني انا المكتول كمد
خليت لك الروح والقلب
سافرت بي باقي الجسد

عارفك حريصة على العيال
فوقك بعد الله اعتمدت
في الحارة تسوي لك رجال
للمايلة والمحتاج سند

اتغشن القالن وراي
هلن لي نجمات السعد
ما اتغربن وضاقن معاي
مر عيشة الهم والنكد

لو عني كررتي السؤال
أنا بني وبين الفرحة سد
سهّيت وغايتو علي حال
يعلمو الفرد الصمد

عزّابي في قاطوع صغير
في ضيقو زي ود الأحد
في السوق صباحات الله خير
حايم وازازي بلا غرض

الزي بيهو الليل يطول
يتقلى فوق جمرو الوقد
اتوقعي البجي ليك يقول
في الغربة محبوبك فقد

البي ده ما بيغباهو زول
يحكيهو طرفي الما غمد
سنتين افتش في كفيل
لي حالي فد زول ما نشد

في التالتة رب العزة قال
حامدنو حلال العقد
مكتب ولا كان في الخيال
في الفارهـ الدور قعدت

عربية والراتب كبير
ورابطلي خرزة من الحسد
بليت عروق قلبي المرير
عِزة ورفاهية وسعد

لكني يا حظي التعيس
تميتلي شهرين واترفدت
قالوا الوظيفة اتعممت
محجوزة لي أهل البلد

شوفي الضرايب فوقي كم
كان جيت أفكر في البلد
وزي الكلام ده يزيدني هم
ويرفع لي إفراز الغدد

قوليها لا تهابي الحروف
كان في غيابي الشوق برد
البي ده كلو من الظروف
والله ما لي فيهو يد

اليبقى في فرش الحرير
ماخدنو من فك الأسد
بي ضحكة في ابواب جحيم
لي دمعة اتبلابه خد

أنا شان رضاك أرحل بعيد
لي غربة لي دمعة وسهد
وأنا فيها ساهي البال شريد
أفكاري فيكم وفي البلد

سامحيني لا تابعي الظنون
ما زلنا بيناتنا الوعد
والغربة من أجلك تهون
وطعم العذاب يصبح شهد

جوابك الظاهرو الوداد
كاتباهو بي دمع الحرد
يجي ردو في نفس المعاد
نتلاقى طيارة الأحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد..


هذه الاغنية قمه في الموضوعية وتعبر عن الواقع المعاش في بلاد الغربة وتغني بها الرائع السقيد ....
هكتارات من المودة الى ان نلتقى عبر مرفئ جديد وكلمة جديدة وسحر الكلمة في روائع الطنبور وعبر كل تلك القصص التي سنسردها .
الرجوع الى أعلى الصفحة اذهب الى الأسفل
ربيع محمد
ناظر محطة الابداع
ناظر محطة الابداع
avatar

الجنس : ذكر
عدد المساهمات : 5708
نقاط : 8092
تاريخ التسجيل : 17/07/2010
العمر : 60
الموقع : الجيزه- مصر

مُساهمةموضوع: رد: لسان الحال.. هذه بداية لسلسلة..   الأحد أكتوبر 28, 2012 12:59 am



مااروع الشعبى فى كل مكان

فى مصر تسمى السمسميه مشهوره فى المدن السواحليه السويس والاسماعيليه
الرجوع الى أعلى الصفحة اذهب الى الأسفل
ربيع محمد
ناظر محطة الابداع
ناظر محطة الابداع
avatar

الجنس : ذكر
عدد المساهمات : 5708
نقاط : 8092
تاريخ التسجيل : 17/07/2010
العمر : 60
الموقع : الجيزه- مصر

مُساهمةموضوع: رد: لسان الحال.. هذه بداية لسلسلة..   الأحد أكتوبر 28, 2012 1:03 am



ردالرساله
الرجوع الى أعلى الصفحة اذهب الى الأسفل
احمد ابو سلمان
من اسره مترو
من اسره مترو
avatar

الجنس : ذكر
عدد المساهمات : 1282
نقاط : 1837
تاريخ التسجيل : 21/07/2011
العمر : 56
الموقع : الخرطوم

مُساهمةموضوع: رد: لسان الحال.. هذه بداية لسلسلة..   الأحد أكتوبر 28, 2012 6:47 am

دائما متميز استاذنا ربيع وصاحب ابداع متفرد.
الرجوع الى أعلى الصفحة اذهب الى الأسفل
 
لسان الحال.. هذه بداية لسلسلة..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مترو :: محطه الابداع :: رصيف الشعر والخواطر :: قطار القصص والروايات وابداعات الاعضاء-
انتقل الى: