السلام عليكم ورحمة الله وبركاته
كلنا بنقول فى رمضان البركه كتير وخير ربنا كتير وتلاقى الواحد مننا لو معاه 100 جنيه ممكن تكفيه طول الشهر مع ان ال100 جنيه دى فى الايام العاديه مابتكفيش يوم واحد
وكلنا بنحس بجو روحانى ربانى غريب فى رمضان
طيب حد سأل نفسه ايه سر البركه والخير الكتير دا وليه ما بنحسش فى غير رمضان بالبركه دى
تعالوا نعرف السر مع بعض
فى رمضان اكثر الناس بتتجه للطاعه والقرب من الله وقرأة القرأن وعمل الخير وتلاقى الناس فى رمضان بتتسابق على فعل كل هذه الاشياء
وطبعا كلما تقربت الى الله تقرب الله اليك
اما فى الايام العاديه فتلاقى الناس الا من رحم ربى اللى مشغول بعمله واللى هجر القرأن واللى ما بيدخل المسجد الا فى الجمعه بس يعنى فى بعد عن الله
عرفتوا بقى ايه هو سر البركه اللى بنحسها فى شهر رمضان
كل عام وانتم الى طاعة الله اقرب
