علي الوتر الحساس انا بضرب
ولا خايف ولا عايز اهرب
انا شايف في الدنيا مأسي
واسأل مجرب
ده بيضرب تحت الحزام
علشان يكسب قرش حرام
وده خاين بيبيع كلام
واهو بكره من كاسه هيشرب
وده ماشي في طريق معوج
ويبرر ويقول محوج
دي المركب يتفادي الموج
وانت يعني شارب مقلب
وده صاحب بيصاحب ناس
علشان مصلحته وخلاص
ضيع من قلبه الاخلاص
وهو بيخسر ويقول بكسب
وصوبعك مش زي بعض
في ناس عايشين علي الارض
بالطيبه والنيه الصافيه
وده قصدي وسلام بجد
