كنت قاعد سرحت
ايديا شخبطت علي ورقه
رسمت.....
صوره ملامح بنت
عنيها في عنيا
حلمت....
والوقت كان بيروح
ثواني وجسمي من تاني
ردتله روح.....
ضحكتها بالدنيا ومافيها
حاجات جوايا اتحركت
لعنيها....
رسمت جنبها البيت
والصوره كبرت واتغيرت
حبيت.....
كانت بتلمس شمس الحياه
يدق قلبي بسرعه جنبها
يحضن الحياه...
خدني الخيال للجنه هناك
قالتلي روح انا جايا استناني
انا هستناك...
نزلت نقطه مطر علي الورقه
نزلت علي عنيها وكأنها بتبكي
من الفرقه....
فتحت عيني لقتني بحلم شويه
والصوره مكانها كلمت بحبك
مكتوبه ليا.......
شمال يمين دورت ما فيش غيري
مين اللي كتب الكلمه وازاي كتبها
انا ولا غيري.....
مين اللي كتب الكلمه ده السؤال
انا ولا هي ماكنتش حلم حلمته
وده مش خيال؟.........
