بعد الساعة 12 ... الناس رايحين جايين
مع ان الدنيا برد ... بس الناس صاحيين
دا بياع بينادي ... علي بسبوسة في صنية
وده واحد رايح يتعشي ... في مطعم فول و طعمية
ده واحد نازل يتسوق ... ولسة بدري علي العيد
وادي ناس داخلين السيما ... بيقولو فيها فيلم جديد
(مصر بعد الساعة 12 ... هي مصر في عز الظهر
ناسها حاسين بالامان ... إن شالله يرجع بيته الفجر
علشان طيبيين ...بالنية ماشيين
هيخافوا من ايه ... إدخلوها آمنين)
علي قهوة هاتلي واحد شاي ... سكر زيادة و قلبه
وهات لصاحبي قهوة زيادة ... تظبط دماغه وتعدله
نتمشي بقي علي الكورنيش ... النيل جميل في عز الليل
اشكيله همك واحكيله عنك ... يسمع همومك ده باله طويل
يا مصر يا بلد التاريخ ... عمر التاريخ مانسيكي
اول ماكتبوا عن الحضارة ... سأل التاريخ اراضيكي
اول فلاح جيه علي الارض ... علم كل الناس الزرع
اول من آمن بالله ... وحط قانون وعرف الشرع
هي ديه مصر نسر وسيف النصر مهما حاولوا يعملوا جسر
بين اهلها مضر هي مصر ....