خواف

انت رايح فين ما سألتش نفسك السؤال ده
طب انت مين وليه بتعمل كل الحاجات كده
بتحب ولا بتكره بتوهم نفسك انك انسان
وعندك احساس وعايش مأساه كمان
ولا انت بجد انسان مجروح وليك قلب
بيدق علي جرح الناس وبتعرف تحب
خايف من بكره لما وقعت كلمه وسط الكلام
انك فشلت في حاجات كتير حتي انك تعرف تنام
ولا خايف من بكره لانك بجد ماشي علي الحبل
وبتسند علي الهوا والسيرك منصوب والموت سهل
ولا انت خايف من الخوف نفسه وعندك مرض
الضعف والانهزام ورابط الحزام ابو شرط
انت مين كلنا بنخاف انت مين في دول خواف
حاول توصل لنفسك انا وصلت بالعقل والانصاف
اتعلمت حاجات كتير مش فلسفه وتخاريف
العمر اوراق شجر ورقه بتسقط كل خريف
الحق للقطر يسبق وماتلاقيش محطه ولا رصيف

شكرا يا برنس على الموضوع

القصيده دى فيها نضج و احتراف عن القصائد التى كنت تكتبها فيما مضى
احسنت يا احمد

موجوع رائع يا أحمد
شكرآ

العمر اوراق شجر ورقه بتسقط كل خريف
الحق للقطر يسبق وماتلاقيش محطه ولا رصيف


جميله قوى الخاتمه يا احمد
تسلم ايدك

ولا انت خايف من الخوف نفسه وعندك مرض

حقيقى فيه ناس الخوف عنده ادمان زى المكيفات
زى اللى مدمن مشاهدة افلام الرعب

انت رايح فين ما سألتش نفسك السؤال ده
طب انت مين وليه بتعمل كل الحاجات كده
بتحب ولا بتكره بتوهم نفسك انك انسان
وعندك احساس وعايش مأساه كمان


جئت ولا اعلم من اين ولكنى اتيت
ولقد ابصرت طريقا امامى فمشيت
وسأظل سائرا فيه شئت هذا ام ابيت

لا اعرف لماذا تذكرت شعر اليا ابوابو ملضى عندما قرأت قصيدتك يا احمد
ربما لان المبدعين كالنهر
روافده من منبع واحد
وهو الاحساس

حلوه يا احمد قوى
مبدع يا نجم من يومك

جامده طحن يا صاحبى
تسلم ايدك يا فنان