مسامحك يا حبيبي....

مسامحك يا حبيبي
***
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..

انت تستاهلي دوما ان تكوني البرنجي بجهدك ومثابرتك واخلاقك العاليو والغالية في اعمالك التي هي البلسم الشافي للعطشي الابداع والروائع من الادب والخواطر والشعر الرصين وعبرك نحيي الاستاذ محمد ربيع وكل اسرة الميترو الفخيمة والزوار الكرام ودمتم في رعارية الله وحفظه.