أزيكم يا قمرت
إيه أخباركو
من غير ما أطول هحكيلكو علي حاجة
أنا كنت السنة اللي فاتت مش لاقية صحاب ففي واحدة أتعرفت عليها في أخر الدراسة
و كان باين أنها مؤدبة و لقيت إن ملهاش صحاب فحبيت أتعرف عليها
ألمهم أتعرفت عليها و أتصاحبنا و كدة و في يوم قالتلي نخرج أنا و هي مع بعض
و أنا وافقت وفي المعاد و المكان اللي أتفقنا عليه أستنتها و فوجئت أنها جايبة معاها
واحد المهم أنا أستنيت لحد ماهو راح يشتري حاجة و قولتلها أنتي أزاي تجيبي معاكي حد
بعد ما قولتيلي أنك هتيجي لوحدك و كمان دا ولد
قالتلي أهدي أهدي متزعليش أصل هو البوي فريند بتاعي و مرديش يخليني أجي لوحدي
قالتلي أوعدك إني مش هخليه يكلمك خالص و لا يبصلك حتي (هاه كدة رضيتي )
و انا وافقت ، المهم عدي شهرو كل ما أخرج معاها تجيبه معاها و في يوم كنت
مستنياها عشان نتقابل و نخرج مع بعض و قولتلها متجيبش حد (لاقيتها جايبة صاحبها و المفاجأة إن معاه صاحبه)
فأنا أستغربت راحت قالتلي دا فلان صاحب كذا و هو عايز يتعرف عليكي
قولتلها نعـــــــم و عرفت أنها بنت مش كويسة خالص و إن أنا غلط إني أتعرفت عليها
ستــــــــــــــــــــــــوب
(دي مش قصتي أنا نوهائي ، أنا بحكي موقف بيحصل مع بنات كتير )
دلوقتي أول حاجة هنقول صاحبة القصة غلطت في إيه :
1- أنها حكمت إن البنت مؤدبة من غير ما تتعامل معاها كتير
2- أنها خرجت معاها بالرغم من أنهم أتصاحبوا من مدة قليلة (يعني بنت مش ثقة )
3- أنها خرجت معاها بعد ما عرفت أنها بتتعرف علي ولاد
4- خرجت لمدة شهر مع بنت مش كويسة بتاتا
5- أنها معلقتش و كمان منصحتش صاحبتها
تاني حاجة (هنتكلم شوية )
بصو يا قمرات أنتو ماهما تكونو مش لاقيين صحاب متصاحبيش أي واحدة تقابلك و السلام
عشان زي ما قولت قبل كدة (الصاحب ساحب )
و كمان أنتي مش عارفة إن ربنا قال (ولا متخذات أخدان )
يعني حرم إن البنت تصاحب ولد يبقي أنتي إزاي تسمحي إنك تصاحبي واحدة
مش مطبقة الأية المهمة دي و بتخالف أمر ربنا
و كمان البنت دي لو أنا مكانها مكنتش كلمت البنت دي تاني ولا أعرفها (ليه أصاحب واحدة تضرني )
و كمان ممكن تخليكي زيها طب ليه
نصيحتي ليكو بقي
أنك متصاحبيش لو ملاقيتيش حد يستاهل تصاحبيه
و كمان تصلي أستخارة قبل ما تعملي أي حاجة وربنا هيوفقك
و حاجة اخيرة لو مش لاقية واحدة تصاحبيها ونفسك في أصحاب
أدعي ربنا و هو اللي هيبعتلك اللي تستحقك
لأن ربنا في إيده كل حاجة
و متنسيش أوقات الفجر بتبقي أوقات أستجابة الدعاء
يارب يكون الموضوع أفادكو
في أنتظار الردود و اتقييات الحلوة
