كان موظف زى حالاتى
تعبان غلبان بيجى على شغله يوماتى
زهقان قرفان
دمه
هربان من وشه
وده مش من الخوف ده فقر دم يااخونا
وقله مصروف
شافنى وشفته
قام جانى على البيت طاير
عايز ايدى اهلى قالولى طب رأيك ايه
قلتلهم انا
موفقة عليه
اختى قالتلى انت عبيطة
عاجبك فيه ايه
ده صعيدى كده لغته غريبة
ولا حلته جنيه
قولتلها اه يلا نصيبى وانا حاعمل ايه
المهم اتجوزته مش
عارفة ازاى
و أول ماربى اداله رزق عياله
قام على طول كدة شاف حاله
وبقيت
خلاص مانيش عجباه
وسمى نفسه قال عمدة
وده اصله غفير وكان بيشحت الهدمة
ويقف طوابير دلوقتى تشوفه تقول عنه ده الباشا وزير