الحب والظروف

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

****
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر

*****
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر

*****
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر
قلنا ماممكن تسافر احنا حالفين بالمشاعر
لسه ما صدقنا انك بجلالك جيتنا زائر
قلنا ماممكن ماممكن تسافر

اهدى الكلمات
الى كل غريب فى غربته
والى كل مسافر الى ان يعود
لاحبابه واصدقائه

لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
ربنا يجيبك بالسلامه يا ابو عمر
جميله اوي القصيده يا زول
تسلم الايادي

شكرا لمرورك
ويارب يرجع بالسلامه
مع خالص تحياتى وتقديرى