يا ام طرحة وجلابية

مصر يا اما يا بهيه .. يا ام طرحة و جلابية
الزمن شاب و أنت شابه .. هو رايح و انتى جايه
جايه فوق الصعب ماشية
فات عليكى ليل و ميه
واحتمالك هوهو و ابتسامتك هي هي
تضحكي للصبح يصبح
بعد ليله و مغربيه
تطلع الشمس تلاقيكى معجبانية و صبية
يا بهية

مصر يا اما يا سفينة
مهما كان البحر عاتى
فلاحينك ملاحينك
يوعقوا للريح تواتى
اللى ع الدفه صنايعى
واللى ع المجداف نواتى
واللى فى الصارى كاشف
كل ماضى و كل اتى
عقدتين و التالتة تابته
تركبى الموجه العفيه
توصلى بر السلامة
معجبانية و صبيه
يا بهيه

طبعا منتهى الروعه
ودى على فكره كلمات احمد نجم

طبعا الشاعر احمد فؤاد نجم شاعر عظيم ولروعة الكلمات تنقلتها اليكم
شكرا على مرورك اخى اسلام