ليه تعمل كدا

أنا بيك حياتى مؤكدة وبلاك حياتي منكده
ياجميل مابصح ليك تعمل كدا
يامن محاسنك بي قلوب العاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني للأسى والردى
ماعندي مانع حتى لو ضيعني ساكن الموردة
ياجميل مابصح ليك نعمل كدا
أنا بي محاسنك بفتخر زانت المحاسن سيده
يومي الأشوفك يبقى عيد والدنيا تبقى معيدة
البدر ان شافك يدوب من الأنوار الجيدة
أما الشمس لو شافتك ترجع أسيرة مقيدة



ياجميل مابصح ليك تعمل كدا
أنا طرفي شايفك ياجميل فقت اللجين والعسجدة
ومهما أعاين في الشباب وين زي محاسنك أوجدة
متى روحي من هذا العذاب تشفق عليه وتنجده



ياجميل مابصح ليك تعمل كدا
يا من على حرب العشوق لحظك سيوفه مجندة
قامتك رطيبة كأنها مخلوقة من زهر الندى
مالحكمة في كونك بخيل وأهلك أرابيب الندى
أصلك بتدلل علي والا الحكاية معاندة
ياجميل مابصح ليك نعمل كدا



عبد الرحمن الريح

البدر ان شافك يدوب من الأنوار الجيدة
أما الشمس لو شافتك ترجع أسيرة مقيدة

الله عليك عمى ربيع وعلى الكلمات الجميله

شكرا لك اخى الكريم
الشعر العربى مليىء بالصور
الجماليه الرائعه

ومهما أعاين في الشباب وين زي محاسنك أوجدة
متى روحي من هذا العذاب تشفق عليه وتنجده

هبه محمد كتب:

ومهما أعاين في الشباب وين زي محاسنك أوجدة
متى روحي من هذا العذاب تشفق عليه وتنجده

شكرا للاخت العزيزة هبه محمد
تقبلى تحياتى