معاكسه تليفونيه من عيل رخم جدا

معاكسة تليفونية جامده جدا, من عيل بس رخم
السلام عليكم ورحمة الله وبركاته

معاكسه تليفونيه

ده ولد صغير بيعاكس صاحب السوبر ماركت فى التليفون يلا نشوف عمل معاه ايه.

ترن ترن ترن ترن

صاحب السوبر ماركت : الو سوبر ماركت اطلب واتمنى فى خدمتك .

الولد: الوو البوليس بوليس النجده .

صاحب السوبر ماركت : بوليس ايه يبنى لا احنا السوبر ماركت .

الولد : الحقنى يا عمو الشرطى انا عاوز ابلغ عن جريمه قتل.

صاحب السوبر ماركت :عمك الشرطى مين ياض انا بقؤلك انا صاحب السوبر ماركت.

الولد : وانا بقؤلك فى جريمه قتل.

صاحب السوبر ماركت :جريمه قتل يخرب بيتك وبتكلمنى اقفل مليش دعوه.

الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.

صاحب السوبر ماركت :مجلس الشعب ومجلس الشورى ايه يبنى اسمها الشرطه فى خدمه الشعب.

الولد : طب اخدمنى بقه ونفذلى طلبى.

صاحب السوبر ماركت :يبنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون
على علبتين جبنه نستو لافاش كيرى .انما تقولى قتل لا لحد هنا وستوب.

الولد : مش بحب لافاش كيرى عندك بريزدون.

صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .

الولد : ما الخوف اللى انا فيه جوعنى .

صاحب السوبر ماركت :بس للاسف مش هوصلك طلبك دليفرى عشان القتيل اللى عندك

منا عارف الحركات دى اجيلك تكون كلمت البوليس وتقوله هو ده اللى قتله .

الولد : خلاص كتك الارف انت مش جدع على فكره.

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

صاحب السوبر ماركت :وانت عيل رخم على فكره.

وقفل السكه.

.................................................. ....

شويه وجرس تليفون السوبر ماركت رن تانى .

صاحب السوبر ماركت :الووو

الولد : الو الاسعاف.

صاحب السوبر ماركت : انت هتستلمنى شكلك انهارده.

الولد : لو سمحت عاوز عربيه اسعاف ماركه بيجو 7 راكب مكيفه .

صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.

الولد : القتيل عندو نبض فى امل يعيش الحقنى بسرعه.

صاحب السوبر ماركت : انا امى دعت عليه شكلها انهارده .

الولد : اكيد زعلتها هو فى احسن من حنان الام يا عمو دى الام دى مدرسه .

صاحب السوبر ماركت :بس ياض انت هتعملى فيها استاذ وتكلمنى عن الام .

الولد : انت راجل عديم الاحساس.

صاحب السوبر ماركت :وانت عيل ابرد منك ما شوفت.

وقفل السكه .

.................................................

شويه وجرس التليفون رن تانى.

صاحب السوبر ماركت :الووووووو.

الولد: الووو المطافى.

صاحب السوبر ماركت : ياريت تولع عشان اخلص منك .

الولد : يا عمو القتيل هيموت محروق منى الحقنى .

صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .

الولد : متقلبش عليا المواجع بقه.

صاحب السوبر ماركت : عموما مفيش مطافى ولو عاوز تتطفى عندك حنفيه بيتكو ابقا استعملها.

الولد : لالالالالالالالالالا يعنى خلاص مفيش امل صوصو كده هيموت منى.

صاحب السوبر ماركت : صوصو ؟؟؟صوصو مين؟؟؟

الولد : عصفورى اللى حرقته وخنقته ودبحته وكسرت رجله فى ساعه نرفذه.

صاحب السوبر ماركت : ده انت مجنون يله انا هكلملك العباسيه .

الولد : سلام بقه كفايه هزار فى التليفون مش عيب عليك راجل كبير وتعاكس فى التليفون وكمان معاد نومى جه.

ههههههههههههههههههههههههههههههه

جميله اوى يا زينب تسلم ايدك يا قمر الى الامام دائما

شكرا جميله جدا
بس ده عيل رخمممممممم اوي

شكرا يازينب حلوه خالص والله صدقينى ضحكتنى كتير والولد بجد خفيف الظل شكرا لكى وتقبلى تحياتى رسلان

عسل منك والله تقبلى مرورى

يالهوى دا انا لو مكان الراجل صاحب السوبر ماركت كنت اقدمت طلب للسنترال وفصلت التليفون بلا دلفرى بلا بتاع
وتسلم ايدك يا زينب
تقبلى مرورى

ولد فعلا رخم رخم يعنى
كلمات جميلة تسلم ايدك
تقبلى مرورى

هههههههههههههههههههههههههههههه
هههههههههههههههههه
ههههههههههههه
ههههههههه
ههه
شكرا رخامه تخلى الواحد يقفل السوبر ماركت عشان العيل دا
اشكرك على الابتساااااااااااااااااااااااااااااامه الجميله
دمتى ................ مش الجبنه....دمتى بكل ود

هههههههههه
جامدة جدا يا (زينب) والواد دة تنح ورخم ورزل وكل حاجة فية
وشكرا
تقبلي مروري(joo(