ما بنسي ليلة كنا تايهين في سمر بين الزهور
انا وانت والنيل والقمر
ــــــــــــــــــــــــــــــــــــــــــــــــــ ــــــ
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ــــــــــــــــــــــــــــــــــــــــــــــــــ ـــ
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
ــــــــــــــــــــــــــــــــــــــــــــــــــ ـــ
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
ــــــــــــــــــــــــــــــــــــــــــــــــــ ــــ
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
ــــــــــــــــــــــــــــــــــــــــــــــــــ ــــ
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر
للشاعر محمد بشير عتيق
