دمعه

كل واحد له طريقه في دمعته
ليها طعم وليها لون في دنيته
حد دمعه عينه نازله من العذاب
حد كان بيبكي من فرحته وغاب
حد تاني حمله زاد واتقطم
وسطه الضعيف من الالم
حد دمعه عينه دمعه مزيفه
دمعه تخدع دمعه متحرفه
حد يبكي حب قلبه اللي ضاع
يعمل ايه في الليالي بعد الوداع
حد ضاع منه اغلي حد
لازم يدمع دمعه تهد
حد تاني من كتر ضحكه دمع
مسح خده وضحكته تسمع
حد عايش جنب الحيط مظلوم
هيجيب منين يبكي لربنا القيوم
حد حبه رمل طرفه عنيه
فلبه جاحد ظالم بكيت عنيه
كل دمعه وليها طعم وليها لون
والدموع زي البشر ممكن تخون
واللي نام علي خده دمعه معقول يكون
زي اللي عمره ما يبكي دمعه مهما يكون

الله عليك يا صديقى العزيز
تحياتى القلبيه لقلمك المبدع

كل دمعه وليها طعم وليها لون
والدموع زي البشر ممكن تخون


جميله جدا البيتين دول يا احمد
تسلم ايدك يا شاعر مترو يا كبير

كل واحد له طريقه في دمعته
ليها طعم وليها لون في دنيته


الله عليك يا فنان
دائما لك قلم لا يكتب
بل ينبض

فشكرا لك