فرق يا حاج محمد قهوه ساده
وابعت جواب مستعجل لسياده
ويا بونا جرجس كلنا مصريين
الوطن واحد واتنين في العباده
***************
والنيل دموعه بتجري في دم البلدي
في قصر فخم وفي قهوه بلدي
بنقول يا رب والنيه خالصه
ولوموجه عاليه لازم تعدي
***************
مش ناقصه دوشه وخبط وترزيع
خنزير وكوره وناس تشتري وتبيع
ولحمه فاسده وبنوك تقع من القروض
وصحافه صفرا واهم حاجه التوزيع
*****************
سؤال غريب مالهوش جواب ولا تفسير
توهنا في زحمه ولا اللي تاهه هو الضمير
ولا دي حكمه في بطن الشاعر مدفونه
طفحنا الكوته ولسه بنشرب منها كتير**
**********************
المصري فين اتأمرك خلاص ولا صهينوه
ولا موجود ومداري لادكهما يشوفوه
لابس طقيه الاخفه وقلع الجلبيه
لاشوفنا فاس اضرب والسمك بيستوردوه
********************
احضر يا شيخ عفريت نفتح المندل بقي
مدام كله بيتكلم والفعل بقي سقسقا
حراميه وبلطجيه وناس بايعه القضيه
مين اللي اترما احنا ولا هما في المحرقه******
