شحاته سافر الخليج اربع سنين بالتمام
قرط علي بطنه وحرم نفسه حتي من الكلام
عمل الخميره ونزل علي البلد علي طول كده
يدور علي عروسه قطه مغمضه
قالها يا اما ماتعرفيش مين بنت الحلال
قالتله موجوده قطه مغمضه عال
انيسه بنت الشيخ مجاهد امام الجامع
سرح..زغدته في كتفه وقالتله سامع
كتبوا الكتاب وعلوا الجواب والف مبروك
والناس تشوفك يا شحاته قال ايه بيحسدوك
ادب ودين ومال وجمال انيسه بنت الاصول
وسنه والتانيه والخلفه شغاله علي طول
قرطه عيال والصحه راحت يا شحاته ومافيش فلوس
وانيسه طالبتها كتير اشي تليفزيون وغساله ولحمه وغموس
والحمل زاد علي شحاته يجيب منين
وهي تطلب وتطلب الطاق طاقين
خلصت فلوسه والشغل طار زي الناموس
وكأن شحاته كان نايم وشاف كابوس
عقله خف وكلم نفسه وحواليها لف
سبتله انيسه البيت وضربت كف علي كف
وماشى في الشوارع يقول لله
عندي قورطه عيال وامهم واه
ودوه السرايا يتعالج ويطيب ماهو عنده وسواس
الدكتور قال مافيش فايده ميؤوس منه وخلاص
بقي يصرخ ويقول ديه القطه الغمضه من دون البنات تمه
كنت تقوليلي فهميني عليه العوض والله يسمحك يا اما
ومن يومها وهو في المستشفي محبوس
لا حد بيزوره لمبه محروقه في فانوس
وديه النهايه لكل راجل عاقل يفكر يتجوز يبقي زى الجاموس
