>>>>>>>>>>من قصيده كلمه هيفا لعمي بيرم التونسي......................
من هفوه او كلمه هيفا نتحمق ونقوم
نسب وندب ويدور العراك بالشوم
وكل محموق وله فرقه تقوم بهجوم
من قبل ما نعرف الظالم من المظلوم
تبقي الشراره حريقه والسحابه حسوم
لا شركه تنجح ولا عيله صفاها يدوم
ومنين نشوف العدل ولا السفينه تعوم
مادمنا فوق قلبها قاعدين ولبعض خصوم
تضحك علينا الحدادي في السما بتحوم
وكأنك تري الحاضر وتصفه وكأنك بيننا الان تحمل نفس الهموم
الله عليك يا عمنا ستبقي الاستاذ ابد الدهر
*********************************
كلمتين في جرنال ولعوها حريقه في يوم
بفعل فاعل ولاالفاعل واحد ظاهر ومعلوم
القضيه مش ماتش كوره ولا غالب ومهزوم
القضيه اتنين اخوات ازاي علي بعض نقوم
ده يحرق بيوت وده يحدف طوب وزقوم
سما وكانت صافيه مليناها غيوم
شمتنا فينا كلاب واحنا السبب ياقوم
ديه قله عقل منا ولا خيابه ولاقله نوم
ونرجع نقول احنا بننزف من الهموم
نقطه نقطه لما هنتصفي يوم وري يوم
عفوا استاذي استشعر وكأنك ترانا وهذه الكلمات لاتقارن بكلماتك اعذرني استاذي علي قله ذوقي
