اه يا نيل عطشان والميه وري البيبان
مقفول عليها الف ترباس وترباس
اه يا جره قلم والحبر لون الام
والكلمه مرميه بتنداس
اه يا بكره مخبيلي ايه يابكره
فزوره بين عيون الناس
اه ياقلبي هتفضل في ضلوعي جنبي
ولا هيحرموك مالاحساس
اه يا صبر طعمك بقي زى المر
والمر من الساس للراس
اه يا فجر امته هتيجي يافجر
وترجع الحب والاخلاص
اه يا عرب بننفخ في القرب
وكأن صوت الحق خناس
وهه واه ما الدنيا اه
واللي بتعمله في الناس